VISITA DE ANXO FARIÑA

O próximo día 19 de Maio teremos a visita no cole do escritor e ilustrador Anxo Fariña. Esperamos que nos deleite coa maxia que sae dos seus rotuladores.

Nas aulas de Infantil xa estamos a traballar cos libros de Antón e Pompón e cos libros de Os Pelelliños.

ACTIVIDADE PARA O "DÍA DA MULLER TRABALLADORA"

http://nea.educastur.princast.es/repositorio/RECURSO_ZIP/1_ibcmass_u15/index.html

CHEGA O ENTROIDO Ó COLE!!

O Entroido chegou ó cole!!!xa estamos a traballar nos nosos disfraces coa axuda das nosas profes. Durante toda esta semana os nenos e nenas traballaremos para poder lucir o mellor posible os nosos disfraces diante dos nosos papás e mamás, e dos nosos compañeiros/as do cole. Os de tres anos iremos de lúas; os de catro anos de soles e pos último os de cinco anos iremos disfrazados de estrelas. Tamén disfrutaremos dunha degustación dos productos típicos destas datas elaborados polos nosos papás e mamás. Esperamos a vosa visita o venres no cole.

P.D: As fotos do Entroido serán colgadas na páxina web do cole á volta das vacacións.

DÍA DA PAZ

Hoxe celebramos no cole o día da Paz, con motivo do aniversario da morte de Mahatma Gandhi.

Durante esta semana os nenos e nenas de infantil estivemos traballando no mural da Paz coa axuda dos nosos compañeiros/as de Educación primaria. Aprendemos unha canción con mímica, fixemos unha cadea de mans de cor branca (que colocamos polos corredores do noso cole) e coloreamos varias pombas para adornar as nosas aulas.

Despois do recreo, todos os nenos e nenas saímos ao patio cuberto para cantar a nosa canción, fixemos unha solta de globos brancos (nos que deixamos varias mensaxes facendo referencia á tolerancia, o amor e á Paz).

Para finalizar o acto soltamos unha chea de pombas. Pásamolo moi ben, aínda que o tempo non nos acompañou.

Benvida.

Ola Papis e Mamis!
Somos as mestras de Educación Infantil do colexio Cardeal Quiroga Palacios de Santiago de Compostela. Estamos empezando a poñer en marcha un novo proxecto, O Blog Virtual.
Neste gran espazo iremos informando de todas as actividades que levemos a cabo na nosa escola durante o curso escolar. Esperamos ter moitas visitas, así como a colaboración de todos e todas vos.
Saúdos e comenzamos.....